الرئيسية
ديوان شاعرة الجنوب
شاعره الجنوب
الذي وافتها المنيه عند زيارتها بحادث مروري بتاريخ 10-7-2009 في منطقة هيما الى اليمن
نسأل الله ان يتغمد الفقيده شاعرة الجنوب بواسع رحمته وان يسكنها فسيح جناته
كما حبيت ان نسطر هذه الصفحات بديوان شاعره الجنوب
ونبدا في هذه القصيد لها
(طحت في شباك المطب )) جديدي اليكم
--------------------------------------------------------------------------------
يااحرايق ذي المحّبه هـــــــدّي بس قلب المحب
لي مســـــى ســـاهر بليله في هواهم مستهام
من سبايب ظبي شارد طحت فـي شباك المطب
صــــــــــرت بأسره لومقّيد في غرامه ما ألام
يـــــاغـــــرامي كم احبك شـوف ذا قلب المحب
لــــي غـــــدا سهران ليله كننا هايم دوام
مــــــــن ودادك شوف قلبي صــــار منك منتهب
حار عقـــلي من دلالك عـــــود وامنح ذا الغرام
خـــــــاف ربك يامحّبي صار جسمي كالحطب
من بعادك صرت هــــــوجس يوم يحسب لي بعام
روف خلي بس تمهّل دمــــــع عيني كالمصب
مثل دجــله دوم يجــــــري آه تكفا ذا حـــــرام
هــــات ودّك لي وامسح دمع عيني لي انسكب
من جنوني صرت حــــــــاير دوم ساير بالمنام
ليت هــــــذا القلب عمــــره ماعرف ودّك وحب
ليتني ماكنت ماشــــــي في دروبك والســلام
دن واقــــــرب لاتباعد عقلي من راسي استلب
صرت كـــــالمجنون اهذي في منامي والقيام
في حمى ذا البيت عايش في هناي ومستتب
مير ذا هجرك حبيبي هدّم اصــــــــروح الوئام
هات ايدك هل والمــــــــس كّفي بكفّك وهب
مـــــــــن حنانك لي فقدته وقت عامر بالهيام]
هذه قصيده كتبتها بمناسبه زيارتها للمدينه المنوره وزيارة الحرم الشريف
وهي موشح تراثي قديم (( حجازي ))
[
لبيك داعي الشوق وجدا دعاني
ذا هاجس قد سرى
بي من هيام الوجد ماقد سباني
حرّم بعيني الكرى
رفقا بحال الصب بروض الاماني
يأمل بأن ينظرا
ياعاذلي في الحب تّمهل تراني
لابد وان تعذرا
من بات في تلك الليالي يعاني
دمعه بخدّه جرى
ماعشق نيل الراح مّنه دعاني
بل عشق خير الورى
احمد حبيب الله بدر الزماني
عم الدنى يذكرا
ياليت شعري فاض همس الجناني
اعجز بأن اسطرا
في ذكر احمد حار وصف البياني
لابد ولو اقصرا
واقف بذا الشباك وقد اعتراني
ايضا على المنبرا
في روضة الفردوس نيل الاماني
دمعي غدا احمرا
فد هزّني وجدي بتلك الدواني
وكل ذا واكثرا
صلى عليك الله عد الثواني
حتى وانا في الثرى
بقلم اشاعرة الجنوب
[/quote]
لو تمنيت الموده
ياقوافي الشعر جودي بالقصيده واسرعي
سطري حرف القوافي جملّي حرفي قليل
ترجمي احساس شاعر في حبيبه مولعي
يرتجي منه وصــاله غير اّنــه مـــــايميل
يـــدعـــي انه يّحبه كذب مـــــــاهو واقعي
غير ذا اللي بس اشوفه كان لي اكبر دليل
مشكله طيب العواطف هالزمن شي مايعي
يحسبوا الطيّب مغفل يحسبونه هــــم ذليل
مــــــادروا انّه وفي (ن) كان خّله قانعي
آه قلبي كم كرهته طيبته شي مستحيل
لوتمنيت المودّه هي تمــــــوت وتنتعـــي
قلت مرحب ذا عذابه لو دواء قلبي العليل
مستحيل اني اوطّي راس لـــــــي يتطلعـــي
فوق في العليا شامخ حتى لو جسمي قتيل
صدق هو نيل المشاعر مايجيبه صانعي
غير ذا ربي يحطّه بالقلوب ويستميل
مادريت ان المحبه في حياتك مطمعي
لين ما سّرجت خيلي وبالنهايه ياخليل
لـــو اشّرق هــــــو يغّرب آه وينك لـــومعي
كنت احطك في عيوني انت مالك حد مثيل
وارهف المسّمع لصوتك زين حّسك المعي
واردف المغنى لعينك ياحياتي ياجميل
((( طروق الشعر ))
--------------------------------------------------------------------------------
ياطروق الشعر بالله استجيبي = طوّعي حرفي وعليه ابسمايا
زاد بي هاجس وذا الهاجس يخيبي = لو انا ابديت شيئا من خبايا
فصل والثاني هجوسي تعتني بي = في طروق الشعر اسبح في هوايا
سطّر ابياتي على حرفي رقيبي = لا وزنت البيـــت زينت الزوايا
في هوى ذا الزين في اصله عريبي = من نسب شامخ وسيطه بالعلايا
فاق في زينه ومابه مايعيبي = غير ذا زينه تكلل بالمزايا
ذا الحبيب اللّي مطّول بالمغيبي = سال دمع العين من زود البلايا
صار دمعي دم ياعمري ونديبي = آه ياخلي ّترفّق بالضمايا
فرقّت الاقدار وصله كم صعيبي = حسرة الخافق وزادت ذي الرزايا
طال بي همي وكثرّت النحيبي = خص وهذا البين قرّب لي المنايا
حار هذا العقل قد حار اللبيبي = زود هذا العشق سوى بي سوايا
روف ياخلي تراك انته طبيبي = روف بالمضنى وخفف من ضوايا
بين ذي الاضلاع ناره تصطلي بي = تسمع الونّه كأنه فيه نايا
حااااااااادي سرى ساريه ))
--------------------------------------------------------------------------------
ابدي بـرب الكـون خـلاق العوالـي
يصلح امور الخلق لي هم ينتخـوا بـه
واثني بسيد الخلـق شافـع هالموالـي
يشفع لنـا فـي يـوم لاناجـي يؤوبـه
حادي سرى ساريـه ضّمـار الجمالـي
يمشي وهو شامخ وناسـه يعتنـوا بـه
رافع وهذا الـراس مايـل ذا العقالـي
هايم ويتبختـر وحولـه ذي الخصوبـه
شامخ ترى والله هـو سيـد الرجالـي
ساري خفيف الروح قومه يلحقـوا بـه
ياريح هذا الكوس نسنس مـن قبالـي
خلي جريح القلب لـو يعـرف دروبـه
جالـس بهـذا الليـل قّـدام الـدلالـي
لي فاح منها الهال عايـد ذي العروبـه
خذ عذب ها الفنجال واشرب ذا الزلالي
واروي ضما الضميان لي هم يسمروا به
لاتعذلـوا ذا الصـب لـو زاده خبالـي
من فرق هذا الزين لـي غّيـر سلوبـه
حطوا على هالقلب شـدوا ذي الحبالـي
عافواحنان القلب لي هـم مـادروا بـه
وابعـدوا ذا الخـل لـي هـو مايبالـي
الا بخّلـه دوم عّلـه جــاء صـوبـه
لكن انـا ادري بمـا فـي ذا الخيالـي
دايم وهو يجمـح فـي عالـي كتوبـه
حتى ولـو اوهـام فـي تالـي مجالـي
لابد وله عـوده تخفـف مـن لهوبـه
يسقا بها الضميان مّـره صـار حالـي
عله يؤوب اليـوم مـن ربـه بتوبـه
هل مستعد اليوم ؟
--------------------------------------------------------------------------------
ياعقد ياجوهر اصيل المناقب =
يامسك ياعنبر قليبي يجلّه
اشكي وهذا الحال ماهو مناسب =
دمعي على الخدين سايل وهلّه
من ظلم ذا المحبوب لي صار غايب =
لو ارتجي رحمـــــات قلبّه تخـــلّه
عني ولا يدري بذا الراس شايب =
هل مستعد اليوم ترحم تشلّه
خفّف ترى الاحزان ردفت تناوب =
خايف يجيه الموت هايم مدلّه
مرّت علي الايام صارت تعاقب =
ارأف بهالمتّعوب روحه تملّه
ياعوق هذا القلب صابه وصايب =
من كثر ظلمه صاب هالقلب علّه
هل مستعد الحين خبر وجاوب =
مافي امل للوصل تكفى وقلّه
لو كان ردك لي مهلّي وراحب =
بفرش انا لك رمش عيني محلّه
وابني بهذي الارض نجم وكواكب =
ســــامر معي لليل خلي يســــــــلّه
آمر تدلل كنت مخطي وصايب =
خذــــني حلالك باقي العمر كلهّ
انا صابر (( قصيده غنائيه جديده ))
--------------------------------------------------------------------------------
تحملت الشدايد في انتظارك
وزادت بي شجون الانتظار
على ذا البعد متحمّل قرارك
وكان الهجر ذا اصعب قرار
ولكّني تحت امرك
انا صابر ومتحمّل عذابك ذا وهجرك
============
رأف ياخل مضنونك تدارك
دموع العين نادت شي دراك
رحم خلك ترى صبته بنارك
واصبح يشتعل جوفه بنار
ومتّقلب على جمرك
انا صابر ومتحمّل عذابك ذا وهجرك
-----------------
حبيب الروح قرب لي يسارك
ولا تعسر علي لو شي يسار
وليت الود باقي كون جارك
اشوفك تقترب مني وجار
وخبّي في الحشا سرك
انا صابر ومتحمل عذابك ذا وهجرك
============
مصيبه ذا الزمن فرق وشارك
بأسباب الجفا طعته وشار
علي تقسى شربته كاس قارك
وهذا الزين منك كان قار
تحملته انا مّرك
انا صابر ومتحمل عذابك دا وهجرك
طااااااااااااال البعادي ( قصيده نبطيه )
--------------------------------------------------------------------------------
قال من بات دمعه على خده يهلّي === زودساهر بليلي ماهنيـت الرقـادي
زين ماشفت مثله دوم قلبي يسلّي ===ليت اسعد بقربــه لو تهنـــى ودادي
طال بعدك وصدك يالغضي لاتذلـّي === ذا المحب المــولّع بـك وزاد البعـــادي
قد تبعد واصبح بالجفاء محتولـّي === ليش جاهل ومهمل مايحقــق مـــرادي
ياعسى لو تناسى ذا المحب لي يولـّي === مايهمه عذابي لا ولا ذا السهـــادي
قد تمادى بصده ماكفى ما حصلّي === من عذابي وهجري صار ليلي رمـادي
لو يرق بس و لاقي ذا المحب لي يجلي === بالفرح والمسره والوله والسعادي
كن جمر(ن) توقد بالحشـا لو تقلــلـي === روح عنـــي وخلينـــا وناســـي شهـــادي
حمد للرب شاكـر للمصيبــه اصلـــي === لو ترحـم بعبده ينجلــي ذا الســوادي
آه ياقلب ( قصيده غنائيه ))
--------------------------------------------------------------------------------
اللي خذا ذا لقلب بالغصبا وهو شله
ماهي بخيره مننا والجسم به عله
بيت سمير الليل بالأنه وهذا الآه
آه ياقلب صبرك لا متى قولي انا بلقاه
===============
ظلم المحبه صدق لو خل قد كره خله
والقلب عاده ماقنع كيف البصر قله
والموت لاهو حل لارحمه ولا دركاه
آه ياقلب صبرك لامتى قلي انا بلقاه
===========
اقسم بربي ماسلاه القلب ماسله
دايم انا بالعهد والميثاق ماحله
هذي غهودي للذي بالزين هو سواه
آه ياقلب صبرك لامتى قلي انا بلقاه
==============
بالعهد ذا والود باقي احتمي ظله
ماني من اللي ينكر المعروف من زله
لاقد تناسى الخل جميلي قط انا منساه
آه ياقلب صبرك لامتى قلي انا بلقاه
==============
لاهو حبيبي قد هجر ودي ولو مله
ايش الوسيله والحلول الجاهزه دله
حتى ولو مخرج يخفف صوب ماخلاه
آه ياقلب صبرك لامتى قلي انا بلقاه
=============
(( الحب له اسلوب )) قصيده غنائيه
--------------------------------------------------------------------------------
الحب يبي له قلب ما يعرف طريق الـيأس
انا الذي قد غصت في بحر الهوى الرجاس
واخترت اصدافه واصـناف الـحجار اجـناس
وبنيت به قصر(ن) مشيّد هو قوي الساس
عاد الهوى غض(ن) باحضان الولع حساس
لكـن ظـروف الوقـت تحكـم بالعنـى لا بأس
مـا غير هـذا الصبـر نتجـرع مريـر الكاس
ارحم ترى خل(ن) لـي يفديـك لـو بالمـاس
لو كان له خيرة يجي لك والامـل هوجـاس
لا حاسد(ن) معنا و لا مبغض و لا جسـاس
الحب يبي له قلب ما يعرف طريـق اليـأس[/size]
